Bydd Neuadd yn cynnig:
- lleoliad cerddoriaeth fyw a digwyddiadau celfyddydol ddiwylliannol
- unedau masnachol i fusnesau lleol
- bwyty a chaffi croesawgar
- marchnad fywiog, gofod hygyrch a hwbcyson i’r gymuned
- lle i bobl lleol gael mynediad at wasanaethau, gwybodaeth, cymdeithasu a chefnogaeth
Bydd Neuadd yn dathlu diwylliant a hunaniaeth Caernarfon, gan greu cyfleoedd newydd i bobl leol ddod ynghŷd – i gyfarfod, cydweithio, arbrofi, a rhannu syniadau ac egwyddorion er budd y gymuned.
Mae Caernarfon yn dref fywiog ac egnïol, a bwrlwm Stryd y Plas yn crynhoi gwerthoedd pobl Dre – yn annibynnol, lleol, Cymreig, a chymuned yn llifo drwyddi. Dyma gyfle arbennig i gynnig man cyfarfodi egwyddorion cymunedol arbennig y dref hon – yn bobl ifanc, pobl dre, mudiadau, busnesau ifanc a hen fusnesau – unrhyw un sydd ag awch rhannu a chydweithio.
Gaddo buddsoddiYr ydym wedi cofrestru’r fenter fel Cymdeithas er budd Cymunedol a byddwn yn paratoi cynnig ffurfiol i bobl brynu siars yn y fenter.
Yn y cyfamser da ni’n gofyn i bobl addunedu i brynu siar/iau yn y fenter unwaith bydd y cynnig siars ffurfiol yn cael ei lansio. Bydd yr ymrwymiad yma yn dangos i gyllidwyr eraill a’r perchnogion ein bod o ddifri. Mae genym cyfnod byr i ddangos bod digon o ddiddordeb a’n nod yw cyrraedd £50,000 o addunedion.
Datganiad Pwyllgor NEUADD y Farchnad
Yr oedd yn siom derbyn hysbysiad gan y perchnogion lleol eu bod wedi derbyn cynnig gan rhywun i brynu Neuadd y Farchnad am bris oedd yn ‘sylweddol’ uwch na’r hyn y wnaethom ei gynnig er fod y cynnig yna yn sylweddol uwch na’r prisiad yr oeddem wedi ei dderbyn.
Da ni ddim am rhoi’r gorau iddi ac am brofi mai dyhead pobl fyddai i’r gymuned fod yn berchen NEUADD y Farchnad
Da ni’n falch iawn o’r hyn da ni wedi ei gyflawni mewn cyfnod byr. Mae’n bleser cydweithio efo criw o bobl ifanc brwdfrydig
Da ni wedi
- Sefydlu pwyllgor efo mwyafrif yn bobl ifanc
- Cofrestru Cymdeithas er budd Cymunedol
- Wedi ymgynghori a sicrhau cefnogaeth nifer o fentrau/cwmniau cymunedol a phreifat
- Yn y broses o sicrhau grant i brynu’r adeilad gan Grant Adnoddau Cymunedol Llywodraeth Cymru.
- Wedi sicrhau grant a caelprisiau ar gyfer gwaith pensaerniol ac ymgynghori efo’r gymuned
- Cynhyrchu a dosbarthu taflenni yn gwahodd pobl i fynegi ymrwymiad i fuddsoddi yn y fenter a sicrhau addunedau a’r ymgyrch yn creu momentwm
- Presenoldeb gref ar cyfryngau cymdeithasol efo clipiau fideo gan gefnogwyr ifanc
Safle we strydyplas.cymru efo gwybodaeth a cyfle i gefnogi
Da ni felly yn galw ar bobl i ddangos eu cefnogaeth trwy gwneud adduned y byddent yn cefnogi’r fenter. Ni fydd hyn yn ofer achos yr ydym oll wedi dysgu o’r profiad ar gobaith yw y bydd cyfle eto i sefydlu menter cymunedol.
Be bynnag a ddigwydd bydd y weledigaeth yn fyw a bydd dal i’w weld ar y wefan. Gobeithio bydd hyn yn adlewyrchu beth mae’r gymuned am ei weld yn y Neuadd.
Aelodau’r Pwyllgor
Selwyn Jones
Huw Bebb
Cai Gruffydd
Buddug Roberts
Rhys Harris
Nia Haf
Deio Owain Huws
Selwyn Jones
Pensaer wedi ymddeol yw Selwyn Jones. Bu’n drefnydd Cymdeithas Tai Eryri o’i gychwyn hyd at 1996, pan gychwynodd ei gwmni pensaerniol PenSel Cymunedol. Fel mae’r enw’n awgrymu, roedd PenSel yn canolbwyntio ar bensaerniaeth cymunedol, megis neuaddau pentref (Rhiwlas, Sarn Mellteyrn, Abergynolwyn, Llanrug, Nefyn ayb), ac adnoddau cymunedol eraill. Trwy gydweithio gyda grwpiau cymuned byddai PenSel Cymunedol yn datblygu adnoddau oedd yn ymateb anghenion y gymuned a’u dyheadau, mewn ffordd cynaliadwy ac amgylcheddol glên.
Mae Sel cefnogi ei bartner Eirian i rhedeg sipo lyfrau Palas Print, ac hefyd yn gyfrifol am rhedeg a chynnal adeiladau 10 a 12 Stryd y Plas.
Yn ei amser sbâr, mae’n ymgyrchydd dros hawliau ieithyddol yng Nghymru, a chyfiawnder a hunan-benderfyniad (self-determination) i bawb, ond yn arbennig pobl Palestina.
Huw Bebb
Yn wreiddiol o Gaernarfon, graddiodd Huw o Brifysgol Bangor mewn Cymraeg a Hanes yn 2019. Wedi hynny, treuliodd sawl blwyddyn yn gweithio fel newyddiadurwryng Nghaerdydd cyn ddychwelyd adref, gan ei fod yn gweld ei ddyfodol yng Nghaernarfon.Bellach mae’n gweithio yn y Ganolfan Gwirfoddoli ym Mantell Gwynedd, ac mae hefyd wedi treulio cyfnod yn gweithio ym maes datblygu cymunedol.
Yn ei amser rhydd, mae Huw yn un o gyfarwyddwyr cwmni trefnu gigs Tin Sardins Cyf ac yn aelod o’r band hip-hop 3 Hwr Doeth. Mae’n gweld Neuadd y Farchnad fel cyfle euraidd i greu rhywbeth arbennig i Gaernarfon, gan sichau buddhirdymorir gymuned leol.
Cai Gruffydd
Mae Cai wedi ei fagu yn yr ardal ac wedi bod yn rhan o’r sîn gerddoriaeth lleol ers ei ddyddiau ysgol. Fel rhan o dîm Tin Sardines, mae wedi bod yn trefnu a chynnal gigs yng Nghaernarfon ers rhai blynyddoedd bellach. Dadansoddwr busnes yw Cai yn ei waith gyda chefndir mewn archwilio a rheoli newid.
Buddug Roberts
Ymarferydd creadigol llawrydd a myfyrwraig doethuriaeth yw Buddug Watcyn Roberts. Gyda ffocws y ddoethuriaeth ar theatr gymunedol a chyd-greu, mae’n treulio rhan helaeth o’i hamser yn y gymuned – yn gwrando ar leisiau’r ardaloedd arbennig o’i hamgylch, ac yn rhoi llwyfan i’w syniadau a’u teimladau. Yn wreiddiol o ardal Dyffryn Ogwen, mae cerddoriaeth a mannau cymunedol yn greiddiol i’w magwriaeth, a gwêl bwysigrwydd allweddol gofodau creadigol cymunedol fel rhan o ddiwylliannau amrywiol y Gymru gyfoes.
Rhys Harris
Mae Rhys yn gyfrifydd wedi ymddeol, gyda phrofiad helaeth o weithio gyda busnesau ac unigolion yn y sector ceddoriaeth / creadigol. Fe fu’n un o’r criw oedd yn trefnu gigs Noson 4 a6 yng Nghaernarfon, ac mae ganddo gysylltiadau agos gydag unigolion sy’n brysur yn y sîn roc a gwerin yng Nghymru.
Deio Owain Huws
Gwyddonydd Biofeddygol o Gaernarfon yw Deio Huws. Cafodd ei eni a’i fagu yn yr ardal ac wedi gweld y Neuadd yn newid ac yn datblygu dros y blynyddoedd. Mae ganddo ddidordeb ym myd cerddoriaeth Gymraegacyn gweld angen argyfer platfform i gefnogi artistiaid. Yn ystod ei gyfnod yn astudio yng Nghaerdydd sefydlodd wefan Siop Llanbleddian sy’n gwerthu nwyddau artistiaid Cymraeg. Mae’n angerddol dros gael hwb yng nghanol Caernarfon fydd yn hafan i holl fwrlwm y dref.